Le Bonhomme picard
Le Bonhomme picard ch'est un jornal régional éq vient apré L'Hebdomadaire picard in sectimbe 1944.
L'Hebdomadaire picard[éditer | modifier ech wikicode]
Henri Sinet il o aroutè ch'jornal L'Hebdomadaire picard pou l’conmeune ed Grandviyé (Grandvilliers) (Oése) pi alintour, à l'fin dech 19e sièc.
Le Bonhomme picard[éditer | modifier ech wikicode]
Tous chés gazettes qu'ont tè publièes pindant l'Sgonde Djérre mondiale l'ont tè obligèes d'canger d'nom apré l'Libération. L'Hebdomadaire picard i dvient pignonc in sectimbe 1944 Le Bonhomme picard [2]. In 1988, ll'imprimerie pi ch’jornal i sont séparès chatchun d'leu côté. Achteure, "Le Bonhomme picard" il est din ch'groupe Oise publication. Il édite L'Echo du Thelle, Le Bonhomme picard - édition de Clermont, Le Bonhomme Picard - édition de Grandvilliers pi ch'Journal de Ham.
L’imprimerie Sinet pi ch'jornal[éditer | modifier ech wikicode]
L'imprimerie Sinet al o tè créèe in 1893 par Henri Sinet à Grandviyé (Oése) pi sin jornal L'Hebdomadaire picard quéques ènnèyes apré. Ch'est André Sinet, ch’fiu à Henri, qu'o rprins l’imprimerie pi l'téte dech jornal à l'disparicion d'sin pére. André Sinet il o soutenu ch'picard in publiant chaque esmainne unne tiote pataraphe sous ch'tite "Conte picard" pi deux lives à Philéas Lebesgue. Sin fiu Jacques Sinet (ch'tiot-fiu à Henri Sinet) il o rprins l'affoère in 1960. Il o continuè conme sin pére pi sin grand-pére, in devnant in plus echl imprinmeu à Éklitra. Ainmi aveuc René Debrie, il o parrainnè l’achochénison Éklitra. Jacques Sinet, honme intègue, fin dévouè à l'Picardie, il in éteut mimbe binfaiteu.[1]. In plus dech Bonhomme Picard il o imprinmè trébin d'lives in picard pi su l'Picardiye, par ampe chéte-lo à René Debrie, quéques-uns à Pierre Garnier, pi chés prumiers lives à François Beauvy.
El fin d'unne inteurprise fanmiliale[éditer | modifier ech wikicode]
In 1988, Jacques Sinet, in mavaise santè, i vind l'imprimerie pi sin jornal. L'imprimerie al est rprinse par Michel Delayen. Unne sociétè erprind ch'jornal. In 2009, Christophe Detournay i rprind l’suite apré Michel Delayen. L’imprimerie Sinet pi "Graphique 2000" i s'met'te insanne pi i s'instal'te à [(Bieuvais]][2].
Notes pi référinches[éditer | modifier ech wikicode]
- Lives éditès par André Sinet à Grandviyé
- Philéas Lebesgue, Ein acoutant l'cloque de l'Toussaint - Rédriyes picardes, Imp. de L'Hebdomadaire picard, 1939, 46 p.
- Philéas Lebesgue, Terre picarde, trois nouvelles, Ed. du Bonhomme picard, 1950, 120 p. ( 2e édition: Cuise-la-Motte, Ed. du Trotteur ailé, 2008, 95 p. ).
- D'eutes lives pi rvues éditès par Jacques Sinet à Grandviyé, din l'collection "Eklitra"
- René Debrie, Lexiques picards du cidrier et du meunier, 1967, 35 p.
- René Debrie, Lexique picard de l'hortillon, 1968, 32 p.
- René Debrie, Contribution à l'étude des cérémonies traditionnelles en Basse-Picardie, 1969, 55 p.
- René Debrie et Pierre Garnier, Hector Crinon - Etude littéraire et lexique de sa langue, 1970, 83 p.
- Jean-Baptiste Carton, Glossaire picard du parler de Long, préface de René Debrie, 1971, 80 p.
- Raymond Beaucourt, Poèmes du Vermandois, annotations et commentaires de René Debrie et Pierre Garnier, 1975, 251 p.
- René Debrie et Paul Louvet, Lexique picard du parler de Wailly-Beaucamps, 1977, 70 p. et sup. de 39 p. en 1983.
- René Debrie, Lexique picard des parlers sud-amiénois, 1979, 252 p.
- Edouard David, Contes d'un tchu d'cadot, préface de Pierre Garnier, 1979, 67 p.
- François Beauvy, Le Refus d'Autrèche (roman), annotation de Maurice Genevoix, préface de René Debrie, 1974, 79 p.
- François Beauvy, Lexique picard de Sarcus, présentation de René Debrie, 1981, 64 p.
- François Beauvy, La Collégienne (roman), 1982, 70 p.
- François Beauvy, Pékavi - Nouvelles en picard du Beauvaisis, 1985, 125 p.
- Ll'ervue Éklitra (collection) (1966-...) , ISSN 0768-1356
- Ll'ervue Éklitra - Tradition picarde (1967-...) , ISSN 0424-7175 (un numérou chaque ènnèye)